كلمات اغاني الفنان راشد الماجد

ألحان : صلاح الهملان كلمات : سامي الجمعان

يا بعد هالدنيا ليه

يا بعد هالدنيا ليه صاحبك تقسى عليــــــــــــــه
اللي اهدى لك حياته وانت مستكثر تجيـــــــــه
ارخص الدنيا لغلاتك واشترى فرحة حياتــــك
لو طلبته عيونه جاتك وانت تتغلى عليــــــــــه

لك حبيب يموت فيك حس به الله يهديـــــــــــك
هو منشغل باله عليك وانت ما فكرت فيـــــــه
كنك الماي لضماه وفرحته ولمسة شفــــــــاه
وانت حلمه في الحياة وانت كل اللي يبيـــــــه
يابعدهالدنيا ليه ..

وينك حبيبي

وينك حبيبي ما دريت شصـــــــــار
الناس حطت دوبها ودوبـــــــــــي
العين هلت دمعها مــــــــــــــــدرار
امشي مضيع في الهوى دروبــــي

تدري احبك وهم عليك اغـــــــــــار
وتدري سكوتي اكبر عيوبــــــــــي
ولو خيروني من البشر ما اختــــار
انت حبيبي وانت مطلوبـــــــــــــي

لا شفت زولك هلت الانــــــــــــوار
افرح واعطر كفي وثوبـــــــــــــي
يا زين بوجودك تزين الـــــــــــدار
انت هنا عمري ومحبوبــــــــــــي

بين الصبر والهم انا محتـــــــــــار
مقدر اداري طبعي واسلوبــــــــي
الله يعدل ميلت الاقـــــــــــــــــــدار
واحلى الليالي تلتفت صوبــــــــــي

ولا تزعل

ولا تزعل ولا تتعب شعـــــــــورك
ولا تاخذ على خاطرك منـــــــــــي
أبتأسف إلين ارضي غـــــــــرورك
وبقول اني مقصر غصب عنــــــي

انا معذور لو غبت بحضــــــــورك
وحسن الحسن عن حسنك شغلنـي
لأني بالحلى لو شفت نـــــــــــورك
بعيني ساعت القربه تعذرنـــــــــي

وش احلى من العداله غير جـورك
تجنى يا حلو منك التجنــــــــــــــي
ولو ان الشور في كل شي شورك
طلبتك بس في ذا الشي طعنــــــي

المسافر

لا تلوح للمسافر
المسافر راح
ولا تنادي المسافر
المسافر راح
يا ضياع أصواتنا في المدى والريح
القطار وفاتنا
والمسافر راح

يالله يا قلبي تعبنا من الوقوف
ما بقى بالليل نجمة ولا طيوف
ذبلت أنوار الشوارع وإنطفى ضيّ الحروف
يالله يا قلبي سرينا ضاقت الدنيا علينا
القطار وفاتنا
والمسافر راح

مادري باكر هالمدينة وشتكون
النهار والورد الأصفر والغصون
هذا وجهك يالمسافر لما كانت لي عيون
وينها عيوني حبيبي
سافرت مثلك حبيبي
القطار وفاتنا
والمسافر راح



فمان الله

فمان الله يا مسافـــــــــر
عسى الله يسمح دروبك
وترجع بالسلامـــــــــــه

اذا بتطول الغيبـــــــــــه
امانه لا تقاطعنـــــــــــــا
ودوم ابعث سلامــــــــه
فمان الله ..

معاك ايام عشناهـــــــــا
لها بقلوبنا ذكــــــــــرى
ولها شوق وهيامـــــــه
فمان الله ..

اذا انت تنام في الغربـــه
ومتهني في منامــــــــك
انا ليلي ما انامــــــــــــه
فمان الله ..

انا بيني وبين نفســـــي
اطلب من الله وادعــــي
يردك بالسلامـــــــــــــه
فمان الله

كلمات : سامي الجمعان ألحان : صالح الهملان

فقدناك

غبت يوم وعذرنــــاك
وبولهنا انتظرنــــــاك
يالله ارجع كفايـــــــــا
ابصراحه فقدنـــــــاك

يعني ما صاحت اذنـك
ما بكى الشوق منـــك
ما صرخ يوم حزنـــك
لحظه اللي طرينـــــاك

في غيابك نسينـــــــــا
وش لنا وش علينـــــا
شاغل البال فينـــــــــا
ليتنا ماتركنــــــــــــاك

انجبرنا نخليــــــــــــك
تبتعد عن مراسيـــــك
بس واللي يخليـــــــك
حتى بالحلم شفنـــــاك

كلمات : طلال الرشيد

علمتني

علمتني وشلون احب
علمني كيف انســــــــــى
يابحر ضايع فيـــــــه
الشط والمرســـــــــــــى
علمتني وشلون احن
علمني كيف اقســـــــــى

سير علي ..
بس امسح دموعي وروح
سير علي ..
جب لي معك قلـــب وروح
سير علي ..
اذا تذكرت الجــــــــــروح
ياطاغي النظرة خـطا
تجزى بهالبخل العطا
وانا اللي اهديتك أمن
عين وجفـــــــــــــن
هذي فراش وذا غطا
ويا بحر ضايع فيه ..

ياجرح من وين ابتدي
وانت معي من مولدي
وعيت يــــــــــــــــدي
على وداعك تهتــــدي
بس انت علمني الجفـــــــــــــــا
دامني عجزت اعلمك كيف الوفا
ويا بحر ضايع فيه

..

ألحان : خالد ناصر كلمات : علي الخوار

أمي

أمي يا أول حب عشته بدنيــــــــــــــاي
يا أول اسم تنطق شفاي طاريــــــــــــه
انتي هوى روحي وبعروقي المـــــــاي
عمري بدونك عمر ما عشت أنا فيــــه

ياما لقيتك في شتا وقتي دفــــــــــــــاي
حضنك يدفيني بحنانه وأدفيـــــــــــــــه
وياما مسكتي في أعنى الوقت يمنــاي
خوفٍ علي من الزمان وبلاويــــــــــــه
امي يا اول حب ..

انتي نظر عيني وبسمة شفايــــــــــاي
وانتي هوى قلبي وحبه وغاليـــــــــــه
وانتي الجميل اللي تعدى عطايـــــــاي
لو عشت كل العمر ما اقدر اوفيــــــــه
امي يا اول حب ..

تدعين ربك لي يسددلي خطـــــــــــــاي
وارفع انا كفي لله وادعيــــــــــــــــــــه
يا ربي تمنحني رضاها بدنيــــــــــــاي
وان ما رضت عني ترى العمر مابيـه
امي يا اول حب ..

خذا قلبي

لايهمونك .. لا يهمونك .. لا لايهمونك .. لا يهمونك


تصدق ويش قالوا يوم .. شافوني افكر فيك

يقولون لي خذا عقلك .. وقلت إيوه خذا عقلي

حبيبي ما علي منهم .. مدام القلب بين إيديك

ابد لا يشغلك حكي العواذل .. خـلــه يــولـي

ترى هذي طبايعهم .. كذا دايم على طاريك

وش اللي فيك جننهم .. دخيلك يالقاضي قلي

حبيبي لا يهمونك .. بزعلهم عشان ارضيك

انا وش لي بمن في الارض .. دامك فوق متعلي

انا واللي جمعني بك .. لأبيع الكون لأجل اشريك

يشرفني يكون اجمل .. مخاليق السما خلي

تعال نغيضهم اشهر .. وانا جدامهم بأجيك

واعلمهم من انت ومن انا .. يا شمسي وظلي

أجيبه

لاتقولوا مقدر أجيبه000لاتقولوا هذي صعيبه
أجيبه يعني اجيبه 000 لو كان تحت الحراسة
ودانه ودانه دانه 000ودانه ودانه دانه
أجيبه يعني اجيبه 000 لو كان تحت الحراسة
بحط عيني بعينه 000يشوف زينه وشينه
والله لسدد له دينه000 مغرورياقو باسه
ودانه ودانه دانه 000ودانه ودانه دانه
أجيبه يعني اجيبه 000 لو كان تحت الحراسة
بحط راسي براسه000 وأذوقه مر كاسه
جاهل بأمور الغرام000مايقدر أهله وناسه
ودانه ودانه دانه 000ودانه ودانه دانه
أجيبه يعني اجيبه 000 لو كان تحت الحراسة




الريش


والله طلعلك ريش يالزين وصرت تطير
الملح ويالعيش ماله معك تأثير
ربينا دلعنا وقلنا النهايه خير
واخرها بايعنا ورايح لحضن الغير

مقيوله وإنت أدرى وتعرفها يالمزيون
إحذر عدوك مره وحبيبك مليون
ماجات في بالي ألعب على المضمون
سلمت لك حالي ماأحسبك يوم تخون
الحظ ليه من طاح يتعب معه راعيه
أزرع أنا التفاح وغيري تهنا فيه
شكواي أنا لله ماخاب من يرجيه
ومعروفنا يالله وسط البحر نرميه



اسمعك

اسمعك كمل كلامك بعد احبك ايش قلت ..
تحسب اني يوم اطالع غيرك اني مااسمعك..
لا وربي مااتنهد مااتصدد ماثقلت...
اسمعك واشوف غيرك واحمد الله اني معك..
انت اللي طول عمري ماعرفت ولا جهلت..
ضعف نفسي لين ربي في فؤادي ربعك..
جيتني مثل الجنون .. يوم فارقتك عقلت..
وهاك شفني بعت عقلي ..جيت بجنون اتبعك..
وين افارق حبك اللي لا تركته لا وصلت..
وين اجمع نفسي اللي لا نثرتك تجمعك..
كيف ابطلع من غرامك وانت في قلبي نزلت..
وكيف ابنزل دون قلب حالف له يطلعك..
اسئلة واجد لو انك واحد منها سألت ..
كان ماتعبت نفسك وانت تفرك بااصبعك..
ايه احبك بس كمل بعد احبك ويش قلت..
المهم ان طال صمتي.. ادري اني اسمعك..
::



على كثر السنين


على كثر السنين اللي عرفتك ما عرفتك زين
تمنيت إني ما شفتك ولا لحظة ولا شويه
حسبت أنت وأنا نبقى حبايب نبقى أحلى اثنين
حسبتك تبقى لي طول العمر مخلص وفي ليا
و أثاري حبنا كذبه نسيت العشره في يومين
زرعت الشوك أنا بنفسي غرست الهم بيديا !!
أنا ما كنت أظن اللي يحب يحب له شخصين
على بالي أنا لحالي و حبيبي يموت بس فيه
على النيه مشيت و ما عرفت أمشي معاه لوين ؟
إلين الوقت بيّن لي نوايا غدر مخفيّه
تعال و شوف وش كثر الدموع اللي تخون العين
كثر ما خانني حظي و عرفتك و إنت مو ليه
أنا شاللي يصبرني على همي معاك للحين ؟
خلاص إبعد و أنا ببعد و لا تسأل أبد فيّه
و إذا قصدك تبيع و تشتري قلبي أنابحرفين
أبمحي الحب من قلبي و أعيشك ذكرى منسيّه
أناني مثل ما أنت و لا يفرق معاك البين
و أنا ماعاد تعني لي و خساره فيك ماضيّه !!




المشاكل

آه يا حبك للمشاكل ... آه يا حبك للزعل
كل ما قلنا هدينا ... حدك أسبوع و تمل
وليه مانخطي المشاكل ... و نوصل للأقرب حلول
او نحاول بالتفاهم ... يمكن الغيمة تزول
قد ماحاول أنا أرضيك 000قد ماتحاول تشب
اتنازل وأبغى أرضيك00 بس ماحولي احد
اللي يمشي بس رايك00 حتى لو ماهو صحيح
صعبه تسمع غير رايك00لو أعاتب او اصيح
يعني عاجبك اللي صاير 00حبنا كله عناد
أنت تغلط وانا أساير 00 بس صدقني بعاد
مره ياخذك الغرور00مره ياخذك التمادي
لين صارت كل غلطه00 تصير منك شي عادي




بلا حب

بلا حب بلا وجع قلب وش جانا من ورى هالحب
غير الألم غير التعب وش جانا
ياناس أنا مابي دفا قلبي من الحب إكتفى
وين العشق وين الوفا ودانا

ياقلبي يكفي ماجرى الجرح توه مابرى
ماجانا من الدنيا ترى كفانا
جربت في مره الهوى وأخلصت أنا وقلبي سوى
وفجأه كذا الغالي نوى ينسانا
ياشوق خذ مني وعد ماعاد نشتاق لأحد
إرحل بدربك للأبد وإنسانا
ماعاد يغرينا العشق ماصرنا وياه نتفق
والحظ ماعمره صدق ويانا
::



سقاني

سقاني من قربو الألم .... و قلبي في حبو انظلم
من أجلو كم مره أنا ....صفقت كفيني ندم
سويت له كل مستحيل ... و بعينو إخلاصي قليل !
لكنو ناوي ع الرحيل
سلام مني لو رحل ..... و الباب يوسع لو جمل
رضيت منو كل جفا ...... و لقيت ماعندو وفا
الليل يهني بو ينام ....... و يسيب جفني ما غفا
عايش معوه كل هالسنين ..... أرضيه كل ساعه و حين !!
و له قلب قاسي ما يلين !!
ما عاد لي منو أمل ....... و الباب يوسع لو جمل

هويته من دون البشر ... و هجرني و هو اللي خسر
عطيتو من قلبي و فا ...و أعطاني جروح و سهر
مارد لي ربع الجميل ...أسقيه و لغيري يميل !!
كل شي قالو له بديل
و أكيد بلقا لو بدل ... و الباب يوسع لو جمل !!
::


اللي لقى أحبابه

اللي لقى أحبابه 00 نسى أصحابه
يادنيا يا غرابه00
كان العشم يبقى لي 00
ويموت فيني لحالي 00
لاماطرى في بالي 00كذا الغالي 00
ينسى ويطول غيابه 00يادنيا ياغرابه00
أيام كم عشناها00يامحلاها00
وشلون بس ينساها00
وصار بسلامه يبخل00
وتمر سنه ومايسأل00
وشلون يازمن الاول 00 كذا اتحول 00
وليه عشرته كذابه00 يادنيا ياغرابه 00
يدري في عيني داره00 ومقدراه 00
لكن طريقه اختاره00
خلوه يشوف ويجرب 00
ومايلقى غيري احبيب00
وان كان معدنه طيب00 انا طيب
وقليبي فاتح ابوابه 00 يادنيا ياغرابه !!
::


مستريح البال

مستريح البال لاقيل وقال
شاري الراحه مالي بالهموم
الهوى ياناس هو بالعدال
لو صفا لك يوم ماضنه يدوم
من يذوق الحب عرف طعم الليال
يشتكي منه ولايقدر يلوم
والعمر لاراح مايرجع محال
لا ولا يرجع حتى في الحلوم
وأن طرى للي يسالني سؤال
جاوبه قلبي خلنا من الهموم
خلني مرتاح ياولد الحلال
عاشق الراحه عساها لي تدوم
::


ناوي ترجع

ناوي ترجع حبيبي تعتذر عن كل شي
بس أنا خايف تجيني ماتلاقي فيني شي
لا إدين تمسها ولادموع تحسها
لا تحاول ياحبيبي عندي كل شي انتهى
إنسى إني كنت احبك
وكل حاجه بالمحبه وكل لحظه عشتها
كنت فرحه بس راحت
ولك انا قدمت روحي وإنت رحت وخنتها
لاتفكر إني بجيك أعتذر لك ما أبيك
شوف نفسك ياحبيبي من كرهني فيك
::


نور عيني

حبنا يانور عيني لايضيع
إحفظه حتى يلم بنا إجتماع
أشتري حبك ولكن ماتبيع
كيف تنهي عشرة العمر بضياع
ياخلي القلب قلبي لك وديع
امر أمرك ياهوى بالي يطاع
عينك بنظراته الخجله تبيع
ماتخفى باللقى وعند الوداع
عجل بوصل على قلبي سريع
وارفع لحبي مدى عمرك شراع
والعجب من صورة الحسن البديع
خدك الصافي تقل البرق شعاع
::


وش جاه

وش جاه محبوبي مشى وخلاني
مابين نيراني وبين أحزاني
واللي يسوي سواته ماهو عاقل
يحبني موت ويصاحب ثاني
خلوه على كيفه يدور غيري
يرتاح وأرتاح انا من تفكيري
مافاد لاحبي ولا تقديري
مابيه حتى لو تعنى وجاني
والله شكله من البدايه خاين
خذاع مافي شي في عينه باين
للحب والعشره أبد مو صاين
ضحكته وياللأسف بكاني
::


ويلاه


ويلاه ضاق الصدر وماذكر
يسأل علي ويلاه
نساه طول الهجر
والا الصبر من قسوته قساه
وماصار مني خطا غير العطا
والتضحيه ماصار
جبار ياهالزمن ماتنظمن
فيك البشر جبار
ويلاه

حنيت لإحساسنا بوصالنا
من كثر ماحنيت
حسيت ان الوصل
يمكن حصل لكني ماحسيت
يالله ياربهم اهديتهم
فأهديه يالله
رباه رب البشر رب القدر
كان القدر فرقا
ويلاه
::



ياهلا


يا هلا باللي علّي عود
على الزعل ما تعود
يدري أني أحبه
وهو على حبي زود
لو زعل ماتمادى
الوفى فيه عاده
عود لقلبي حبيبي
إللي ماأقوى بعاده
ياهلا بنور عيني
إللي حس بحنيني
ذا دليل المحبه
صدق أبيه ويبيني
ياهلا باللي جاني
نور وشرف مكاني
خلا كلمة حبيبي
أحلا كلامه بلساني
::


يلوموني

يلوموني حبيبي فيك
صراحه قمة الروعه
وانا والله من شفتك
دخلت بقلبي بسرعه
ماصدقت انا ألاقيك
أحبك واعشقك وابيك
أنا ياعمري لو تدري
انا مجنون والله فيك
وحشني صوتك بقوه
وحبك داخلي جوه
وقلبي صار تحت امرك
وإنت اللي تبيه سوه
::


يمه إرحميني

تبغاني اتعب وإنت ماتتعب شلون
هذا الهوى مافيه يمه إرحميني
لاتقول ميت فيك واجد يقولون
انا وين أصرف كلمه تموت فيني
الحب ماهو لعب لا والله مجنون
ماهو بديك غن جاه وإلا بإديني
بكى كثير عيون واسهر له عيون
وأول عيون ذاقت الضيم عيني
ياتحب زيك زي ماهم يحبون
ويمناك لحظه ماتفارق يميني
ياتجيني كل حب وتحب بجنون
يايفتح الله لاتفكر تجيني

قال الوداع ومقصدة يجرح القلب
محال قلبي ينجرح من وداعة
من حبني يامرحبا براعي الحب
وان راح ربي يحفظة كل ساعة

ولية لية يودعني ولية لية يعذبني ولية لية يجرح قلبي وانا احبة

وافي وذوقة راقي والصدق ينحب
لكن عيبة في الجفا والقطاعة
وانا لو اني فيه مغرم ومعجب
نفسي عزيزة والمحبة قناعة

ولية لية يودعني ولية لية يعذبني ولية لية يجرح قلبي وانا احبة

اخترت دربة لكن اختار له درب
شريت حبه لكن اليوم باعة
ودامه وقف مع حاسدي واعلن الحرب
لابد مالكثرة تغلب الشجاعة

ولية لية يودعني ولية لية يعذبني ولية لية يجرح قلبي وانا احبة

صدق احب الحب واتخير القرب
واقول للغالين سمعن وطاعة
وش حيلة الانسان لو خافقة حب
مااضن ينسى الحب في ظرف ساعة

ولية لية يودعني ولية لية يعذبني ولية لية يجرح قلبي وانا احبة